BIBLIO-RAÍÑA

FESTA DA BIBLIOTECA

O vindeiro 24 de Outubro celebramos o Día Da Biblioteca, este ano no CEIP Raíña Fabiola propuxemos que o alumnado recomendase un libro facendo o debuxo da súa portada.

Despois poñeranse na cortiza da entrada do centro e así veranse todos os debuxos de todas as portadas que fixo o alumnado e o profesorado.

FESTEXAMOS O DÍA DAS BIBLIOTECAS

O 24 de outubro (data na que a biblioteca de Saraxevo foi incendiada durante o conflicto balcánico- 1997), celébrase o Día da Biblioteca, por iniciativa da Asociación Española de Amigos do Libro, como homenaxe e recoñecemento a labor que desempeñan os bibliotecarios/as.

Esta iniciativa naceu co fin de concienciar a nosa sociedade da importancia da lectura, especialmente entre os nenos e nenas, e para agradecer e potenciar a extraordinaria labor dos seus traballadores.

A esta celebración, foise sumando a sociedade enteira contando coa colaboración do Ministerio de Cultura e Deporte. A Asociación Española de Amigos do Libro Infantil e Xuvenil pretende ser a mediadora entre a biblioteca pública e a escola, o hospital, as universidades, as diferentes administracións e os cidadáns, ademais de reivindicar a figura do bibliotecario/a como motor cultural na sociedade.

Nesta data dende a Biblioteca escolar, queremos reivindicar o noso papel dinamizador no centro educativo, potenciando un espazo de socialización e de intercambio de ideas, buscando facilitar o acceso á información, ao coñecemento, sen exclusións, un espazo público libre e gratuíto, que se fai aínda máis necesario dentro da nova contorna dixital que busca reducir as diferencias sociais na información.

Saúdos da nosa mascota, a Pantasma da Biblioteca!!!!!!!!!